МЕКТЕП АСХАНАСЫНДА ОҚУШЫЛАРҒА ЫСТЫҚ ТАМАҚТЫ ҰЙЫМДАСТЫРУ

МЕКТЕП АСХАНАСЫНДА ОҚУШЫЛАРҒА ЫСТЫҚ ТАМАҚТЫ ҰЙЫМДАСТЫРУ 

Шымкент қаласы әкімі М.Әйтеновтің 2021 жылғы 2 желтоқсандағы №1524 қаулысына сәйкес, оқу жылының үшінші тоқсанынан бастап, Н.Оңдасынов атындағы №38 мектеп-гимназиясында бастауыш сынып оқушыларына санитарлық-эпидемиологиялық талаптарды сақтай отырып, қалалық білім басқармасының басшысының  арнайы бұйрығымен бекітілген оқушылардың тамақтақтануын ұйымдастыруға арналған екі апталық екі маусымдық ТАҒАМ МӘЗІРІ бойынша 1-4 сынып оқушыларына   жүз пайыз ыстық тамақ берілу басталды.

Апта бойына оқушыларға әртүрлі  жарма түрлері мен  ет, балық, жұмыртқа, ірімшік, сүзбе, көкөніс, жеміс-жидектер, аскөктер, қолдан пісірілген нан тағамдары қажетті мөлшерде  беріліп отырады.  Сусын ретінде жас және кепкен жемістер шырыны, витаминделген кисель, каркадэ, лимон, бал қосылған шайлар, сүт пен какао сусындары беріледі. 

Мектеп асханасында жүргізілген жұмыстарды, тамақтану сапасын, мерзімдік бағалауды, асхананың санитарлық нормаларының сақталуы мен ас мәзірін, тағамдардың сапасын бракераж комиссиясы апта сайын тексеру жұмыстарын жүргізіп тұрады.