"Дұрыс тамақтану - денсаулық кепілі" атты тақырып аясында мектебіміздің ата-аналары үшін ашық есік күні ұйымдастырылды.

«Дұрыс тамақтану- болашақ ұлттың денсаулығы!» атты апталықтың жоспарына сәйкес, 20 қазан күні "Дұрыс тамақтану - денсаулық кепілі" атты тақырып аясында мектебіміздің ата-аналары үшін ашық есік күні ұйымдастырылды.Келген ата-аналар бракераж комиссиясы  мүшелерімен бірге мектеп асханасының  жұмысына мониторинг жүргізді.Мониторинг жүргізу барысында  асхананың тазалығы, аспаздардың сыртқы киімі, санитарлық кітапшаларында жұмысқа кірісуге рұқсаттың барлығы, санитарлық талаптарға сай келетіндігі тексерілді. Тамақтың талапқа сай салынуы және беру нормалары сарапталды. Тамақты сақтау қоймаларының ережеге сәйкестігі, әр аптаға сәйкес ас мәзірінің берілуі, ас мөлшерінің дұрыс шығуы және тағамның дәрумендік құрамы қадағаланды. Сондай-ақ, келген ата-аналар ауыз су режимінің бақыланып отыратындығына да  көз жеткізді.